काठमाडौं – नेपाली बजारमा सुनको मूल्यले बुधबार नयाँ उचाइ हासिल गरेको छ। नेपाल सुनचाँदी व्यवसायी महासंघका अनुसार, बुधबार छापावाल सुनको मूल्य तोलामा १ लाख ६० हजार ४०० रुपैयाँ पुगेको छ, जुन अहिलेसम्मकै उच्च मूल्य हो।
मंगलबार छापावाल सुनको मूल्य तोलामा १ लाख ५९ हजार ७०० रुपैयाँ थियो। त्यसै आधारमा बुधबारको मूल्य अघिल्लो दिनको तुलनामा ७०० रुपैयाँले बढेको हो। प्रति १० ग्राम छापावाल सुनको मूल्य भने बुधबार १ लाख ३७ हजार ५१५ रुपैयाँमा कायम भएको छ।
चाँदीको मूल्य पनि बढेर नयाँ स्तरमा पुगेको छ। मंगलबार तोलामा १ हजार ९१५ रुपैयाँ रहेको चाँदी बुधबार ४० रुपैयाँले बढेर १ हजार ९५५ रुपैयाँ कायम भएको महासंघले जानकारी दिएको छ।
- Jigyasa media
