मनिला — फिलिपिन्समा उष्णकटिबन्धीय आँधी 'ट्रामी'को ताण्डवले १०० जनाभन्दा बढीको ज्यान गएको पुष्टि भएको छ भने थुप्रै व्यक्ति अझै बेपत्ता छन्। गत अक्टोबर २४ मा आएको यो आँधी यस वर्षकै सबैभन्दा विनाशकारी भएको मानिएको छ।

राष्ट्रिय विपद् व्यवस्थापन निकायका अनुसार पाँच लाखभन्दा बढी मानिस घरबारविहीन भएका छन्, र कम्तीमा ३६ जना अझै बेपत्ता छन्। बिकोल क्षेत्रमा मात्रै ३८ जनाको डुबेर मृत्यु भएको बताइएको छ। क्षेत्रीय प्रहरी निर्देशक आन्द्रे डिजोनका अनुसार उद्धारको प्रयास जारी रहेपनि अझै थुप्रै मानिसहरू जोखिमपूर्ण अवस्थामा छन्।

मनिलाको दक्षिणमा पर्ने बाटाङ्गास प्रान्तमा मात्र ५५ जनाको मृत्यु भएको पुष्टि भएको छ, भने क्याभिट र अन्य क्षेत्रमा पनि थप शव फेला परेको छ। बाटाङ्गासको तालमा हाम फालेका भनिएका सात परिवारको खोजीमा प्रहरी र उद्धार टोली सक्रिय छन्।

प्रत्येक वर्ष करिब २० ठूला आँधीले फिलिपिन्समा क्षति पुर्याउँदै आएको छ। हालैका अध्ययनले जलवायु परिवर्तनका कारण यी आँधीहरू अझ सघन र दीर्घकालीन हुने जोखिम बढेको देखाएको छ।

• RSS