धनकुटा – कोशी राजमार्ग अन्तर्गत धरान–धनकुटा सडक खण्डको साँगुरीगढी गाउँपालिका-६ कोल्बोटेमा शनिबार दिउँसो भएको बस दुर्घटनामा २६ जना यात्रु घाइते भएका छन्। धरानबाट पाख्रिबासतर्फ गइरहेको को. १ ख २७५५ नम्बरको बस सवा २ बजे ५० मिटर तल खस्न लाग्दा रुखमा अड्किएको थियो। घटनास्थलमा रहेका इलाका प्रहरी कार्यालय भेडेटारका प्रहरी निरीक्षक रमेश प्रधानका अनुसार चार जनाको अवस्था गम्भीर छ।
घाइतेहरूको उपचार धरानको बीपी कोइराला स्वास्थ्य विज्ञान प्रतिष्ठानमा भइरहेको छ भने दुर्घटनाबारे थप अनुसन्धान भइरहेको जिल्ला प्रहरी कार्यालय धनकुटाले जनाएकोछ।
- Jigyasa media
