काठमाडौं। नागार्जुन नगरपालिका-७ स्थित सडकमा शनिबार राति जिपले मोटरसाइकललाई ठक्कर दिँदा मोटरसाइकल चालकको मृत्यु भएको छ।
प्र.०१-०२५ च ९२४३ नम्बरको जिपले बा.प्र.०२-०१७ प १०९ नम्बरको मोटरसाइकललाई ठक्कर दिँदा प्रवेश खड्का गम्भीर घाइते भएका थिए। उनलाई तत्कालै उपचारका लागि शहीद मेमोरियल अस्पताल, कलंकीमा पुर्याइए पनि उपचारको क्रममा खड्काको मृत्यु भएको हो।
घटनापछि जिप चालकलाई प्रहरीले नियन्त्रणमा लिएको छ। यस घटनाबारे थप अनुसन्धान भइरहेको प्रहरी स्रोतले जानकारी दिएको छ।
- Jigyasa media
