बाजुरा – चट्याङ लागेर बाजुरामा एकजनाको मृत्यु भएको छ भने एकजना घाइते भएकी छन्। मृत्यु हुनेमा बुढीगंगा नगरपालिका-४ बानेगाउँका ६० वर्षीय खम्म कुटुवाल रहेका छन्। जिल्ला प्रहरी कार्यालय बाजुराका अनुसार बिहान ३ बजे घरमै सुतिरहेको अवस्थामा कुटुवाललाई चट्याङ लागेको थियो, जसको कारण उनको घटनास्थलमै मृत्यु भएको हो।
यसैगरी, गौमुल गाउँपालिका-४ कौटाकोट टोलकी साउनी रोकाया घाइते भएकी छन्। उनलाई उपचारका लागि जिल्ला अस्पताल बाजुरा पुर्याइएको छ। चट्याङका कारण ४ वटा बाख्राको पनि मृत्यु भएको प्रहरीले जनाएकोछ।
- Jigyasa media
