सिन्धुली, भदौ ११, २०८१ - सिन्धुली जिल्लामा चट्याङ लाग्दा एक महिलाको मृत्यु भएको छ भने दुई जना महिला घाइते भएका छन्। सोमबार हरिहरपुरगढी गाउँपालिका-३ माढीमा चट्याङ लाग्दा हरिहरपुरगढी गाउँपालिका-१ शिखर घर भएकी ४० वर्षीया छलिमाया थिङको घटनास्थलमै मृत्यु भएको हो।
जिल्ला प्रहरी कार्यालय सिन्धुलीका प्रहरी उपरीक्षक गोविन्दराज काफ्लाका अनुसार छलिमाया थिङ खेतमा धान गोड्ने क्रममा चट्याङ लागेको थियो।
चट्याङ लागेर घाइते हुनेमा ४० वर्षीया लुकुमाया रुम्बा र उनकी १८ वर्षीया छोरी सुशीला रुम्बा रहेका छन्। घाइतेहरूलाई उपचारका लागि मकवानपुर जिल्लास्थित लामा पोलिक्लिनिकमा लगिएको छ। घाइतेहरूमा शरीर दुख्ने, कान नसुन्ने समस्या रहेको र अवस्था मध्यम रहेको प्रहरीले जानकारी दिएको छ।
- Jigyasa media
