विराटनगर, असोज १० — बिहीबार साँझ करिब ६:०५ बजे विराटनगरबाट सप्तरीतर्फ जाँदै गरेको एउटा बस कोशी ब्यारेजको पुलबाट तल सप्तकोशी नदीमा खसेको छ। घटनापछि उद्धारकार्यका लागि प्रहरी टोली तुरुन्त खटिएको छ।
सुनसरीका प्रमुख जिल्ला अधिकारी रामचन्द्र तिवारीले बस खसेको प्रारम्भिक जानकारी प्राप्त भएको बताउँदै घटनास्थलतर्फ प्रहरी र उद्धारकर्मीहरू परिचालित भइसकेको जनाएका छन्। "थप विवरण आउन बाँकी छ, हामी घटनास्थल पुग्दैछौं," तिवारीले भने।
बसमा कति यात्रु थिए र क्षतिको अवस्था कस्तो छ भन्नेबारेमा अहिले थप जानकारी प्राप्त हुन बाँकी छ।
- Jigyasa media
