काठमाडौं, कात्तिक २४ — देशभर पश्चिमी र स्थानीय वायुको प्रभाव कायमै रहँदा आज कोशी प्रदेशसहित पहाडी क्षेत्रमा आंशिक बदली र हल्का वर्षाको सम्भावना रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। कोशी प्रदेशका केही स्थानमा हल्का वर्षा भइरहेको जानकारी छ।
दिउँसोको समयमा विशेषगरी कोशी, गण्डकी, कर्णाली, र सुदूरपश्चिम प्रदेशका पहाडी भूभागमा आंशिक बदली रहनेछ भने बाँकी भूभागमा मौसम सामान्यतया सफा रहने अपेक्षा गरिएको छ। यी प्रदेशका पहाडी क्षेत्रका केही ठाउँमा मेघ गर्जनसहित छिटफुट वर्षाको सम्भावना पनि रहेको छ।
राति पहाडी क्षेत्रमा आंशिक बदली रहे पनि अधिकांश भूभागमा मौसम सफा रहने अनुमान गरिएको छ। साथै, विशेषगरी कोशी र गण्डकीका पहाडी भूभागमा एक-दुई स्थानमा हल्का वर्षा हुन सक्ने सम्भावना रहेको महाशाखाले जनाएको छ।
- Jigyasa media
