पाँचथर । जिल्ला को फिदिम नगरपालिका १४ मा बिहिबार राति ९ ३० बजे धामि झाँक्री हेर्न आएका १४ वडा का ३७ बर्षिया दिनेश कुमार राई को सामुहिक कुटपिट बाट मृत्यु भएको छ।

 सोहि समयमा सामूहिक रूपमा कुटपिट गर्दा दिनेश घाइते भएका थिए।

 धनकुमार राईको घरमा बिहीबार राति (धामी झाँकी) नचाउने कार्यक्रम हेर्न आएका युवाहरू बिच कुटाकुट हुँदा घाइते भएका फिदिम १४ निवासी ३७ वर्षीय दिनेशकुमार राईको उपचारका क्रममा पाँचथर अस्पतालमा मृत्यु भएको प्रहरीले जनाएको छ ।

बिहीबार साँझ साढे नौ बजे धनकुमारको घरमा चिन्ता बसेको हेर्न आएका दिनेश सहित २८ वर्षिय पर्शुराम राई , २२ वर्षीय ध्रुव राई र २६ वर्षीय पुष्कर विश्वकर्मा समेत लाई त्यहाँ आएका २० जनाको समूहले कुटपिट गरेको जनाएको छ।

कुटपिटका कारण सख्त घाइते राईलाई उपचारका लागि तत्काल पाँचथर जिल्ला अस्पतालमा ल्याइएको थियो । उनलाई शुक्रवार बिहान चार बजे चिकित्सकले मृत घोषणा गरेको जिल्ला प्रहरी कार्यालय पाँचथरका सूचना अधिकारी बिनालाल साह तेलीले जनाका छन ।

उनका अनुसार घाइते भएका मध्ये ध्रुव राईको पाँचथर अस्पतालमै उपचार भइरहेको छ भने पर्शुराम,र पुष्करलाई सामान्य उपचार पश्चात् डिस्चार्ज गरिएको छ ।

उनीहरू बिच झगडाको कारण खुल्न सकेको छैन भने कुटपिटमा संलग्न युवाहरू फरार छन् । उनीहरूको खोजी भइरहेको प्रहरीले जनाएको छ ।

• Reporter