काठमाडौं । पछिल्लो २४ घण्टामा पूर्वी नेपालका केही स्थानमा हल्का वर्षा भएको छ। मौसमविद्का अनुसार, कोसी र मधेस प्रदेशका केही क्षेत्रहरूमा सामान्य प्रणालीको प्रभावका कारण वर्षा भएको हो।
सबैभन्दा धेरै वर्षा सप्तरीमा
मौसमविद् सञ्जीव अधिकारीका अनुसार, सप्तरीमा सबैभन्दा बढी ३६ मिलिमिटर वर्षा भएको छ भने मोरङको बाहुनीमा ८ मिलिमिटर पानी परेको छ। यसबाहेक, पूर्वी नेपालका केही स्थानमा १० मिलिमिटरसम्म वर्षा मापन गरिएको छ।
भारी वर्षाको सम्भावना छैन
"हालसम्म ठूलो वर्षा भएको छैन र तत्काल ठूलो पानी पर्ने सम्भावनासमेत देखिँदैन," मौसमविद् अधिकारीले बताए।
तर, केही स्थानहरूमा चट्याङसहित हल्का वर्षा हुन सक्ने अनुमान गरिएको छ।
जल तथा मौसम विज्ञान विभागको वेबसाइटमा समस्या
विभागको वेबसाइटमा केही प्राविधिक समस्या देखिएको र त्यसलाई समाधान गर्न प्रयास भइरहेको अधिकारीले जानकारी दिए।
- Jigyasa media
