काठमाडौँ— गुल्मी जिल्लाको रेसुंगा नगरपालिकामा जंगली च्याउ खाँदा एकै परिवारका आठ जना बिरामी परेका छन्। रेसुंगा नगरपालिका वडा नम्बर ८ खानीगाउँका टोमबहादुर थापा श्रीशको परिवारले आइतबार साँझ रेसुंगा सामुदायिक वनबाट ल्याएको विषालु च्याउ खाएपछि बिरामी परेका हुन्।
बिरामी पर्नेमा ६५ वर्षीय टोमबहादुर थापा, उनकी श्रीमती ६२ वर्षीय दिलकुमारी श्रीश, छोरा २९ वर्षीय विकास थापा, नातिनीहरू १० वर्षीया दिपदिका थापा र १२ वर्षीया विनीषा थापा, छोरीहरू ४२ वर्षीया सिर्जना काउछा र ३९ वर्षीया गीता थापा रहेका छन्।
प्रहरीले दिएको जानकारी अनुसार, च्याउ खाएपछि उनीहरू रातीदेखि नै बिरामी पर्न थालेका थिए। बिरामीलाई गुल्मी जिल्ला अस्पतालमा प्रारम्भिक उपचारपछि थप उपचारका लागि लुम्बिनी मेडिकल कलेज, पाल्पा पठाइएको छ।
प्रहरीले घटनाको अनुसन्धान गरिरहेको र स्थानीय बासिन्दालाई जंगली च्याउ खान नपरोस् भनेर सावधान गराएको छ।
- Jigyasa media
