भदौ १२, कैलाली
कैलालीको गोदावरी नगरपालिका–९, खुटिया खोलामा पौडी खेल्न गएका ७ जना मध्ये ४ किशोरको डुबेर मृत्यु भएको छ।
जिल्ला प्रहरी कार्यालय कैलालीका डीएसपी राजकुमार सिंहका अनुसार, खोलामा पसेका मध्ये ३ जना भने पौडी खेल्दै किनारमा आउन सफल भए। तर ४ किशोरलाई जोगाउन नसकिँदा उनीहरूको ज्यान गएको हो।
मृत्यु भएका किशोरहरू
सक्षम जोशी (१७ वर्ष)
जेब भण्डारी (१५ वर्ष)
जाबेज भण्डारी (१७ वर्ष)
प्रतिक चौधरी (१७ वर्ष)
घटनापछि प्रहरीले स्थानीयको सहयोगमा शव उद्धार गरी पोस्टमार्टमका लागि अस्पताल पठाएको छ।
अचानक खोलाको पानीको बहाव तीव्र हुँदा किशोरहरू डुबेको अनुमान गरिएको प्रहरीले जनाएको छ।
-
Jigyasanepal
