पनौती ।पनौती नगरपालिकाले लगातार तेस्रो पटक राष्ट्रपति रनिङ्ग शिल्ड प्रतियोगिता २०८१ मा विजय हासिल गर्दै आफ्नो दबदबा कायम राखेको छ।
काभ्रे जिल्ला स्तरीय प्रतियोगितामा १७ स्वर्ण, १७ रजत, र २० कास्य पदक जित्दै पनौती नगरपालिकाले जिल्ला प्रथम बन्न सफल भएको हो।
विजेता खेलाडी सम्मान कार्यक्रम
पनौती नगरपालिकाले विजेता खेलाडीहरूलाई सम्मान गर्दै प्रथम स्थान हासिल गर्ने खेलाडीहरूलाई ५ हजार रुपैयाँ र द्वितीय स्थान प्राप्त गर्ने खेलाडीहरूलाई २ हजार रुपैयाँ नगद पुरस्कार प्रदान गरेको छ।
नगर प्रमुख राम शरण भण्डारीले खेलाडीहरूलाई बधाई दिँदै भने,
"नगरको इज्जत राख्ने गरी खेलाडीहरूले जिल्ला, प्रदेश र राष्ट्रिय स्तरका प्रतियोगिताहरूमा जितेर आउन् भन्ने हाम्रो चाहना छ। नगरपालिकाले आगामी दिनमा खेलाडीहरूको प्रोत्साहनमा कुनै कमी रहने छैन।"
यस्तै, उपप्रमुख गीता बन्जराले खेल र युवा शक्ति नै नगरको सम्पत्ति भएको उल्लेख गर्दै,
"नगरपालिकाले खेलाडीहरूलाई आवश्यक सबै सहयोग गर्नेछ र भविष्यमा अझ ठूलो उपलब्धि हासिल गर्न प्रेरित गर्नेछ," भनी प्रतिबद्धता व्यक्त गरिन्।
पनौती नगरपालिकाको यो ऐतिहासिक सफलताले नगरलाई खेलकुदको गढका रूपमा स्थापित गर्ने मार्ग प्रशस्त गरेको बताइन्छ ।
#PanoutiChampion #RunningShield2081 #KavreS
ports #YouthPower
- Jigyasa media
