काठमाडौं । भारतीय क्रिकेटर विराट कोहलीले एकदिवसीय क्रिकेटमा नयाँ इतिहास रचेका छन्! उनले क्रिकेटका भगवान भनेर चिनिने सचिन तेन्दुलकरको कीर्तिमान तोड्दै १४ हजार रन पूरा गर्ने सबैभन्दा छिटो खेलाडी बनेका छन्।
कोहलीले जम्मा २८७ इनिङ्समै यो उपलब्धि हासिल गरेका हुन्, जुन यसअघि सचिनले ३५० इनिङ्समा पूरा गरेका थिए। यस उपलब्धिसँगै कोहलीले एकदिवसीय क्रिकेटमा आफ्नो दबदबा फेरि एकपटक प्रमाणित गरेका छन्।
आइतबार सम्पन्न च्याम्पियन्स ट्रफीको रोमाञ्चक भिडन्तमा पाकिस्तानविरुद्ध कोहलीले १११ बलमा ७ चौका प्रहार गर्दै अविजित शतक प्रहार गरे। भारतले २४२ रनको लक्ष्य ४२.३ ओभरमा मात्र ४ विकेट गुमाएर पूरा गर्यो।
कोहलीको ऐतिहासिक कीर्तिमान:
✅ सबैभन्दा कम इनिङ्समा १४,००० रन बनाउने खेलाडी
✅ एकदिवसीय क्रिकेटमा १४ हजार रन पूरा गर्ने तेस्रो खेलाडी (सचिन तेन्दुलकर र कुमार संगकारा पछि)
✅ एकदिवसीय क्रिकेटमा सर्वाधिक शतक प्रहार गर्ने खेलाडी
कोहलीको यो उपलब्धिले उनलाई क्रिकेट इतिहासकै महानतम खेलाडीहरूमध्ये एक बनाएको छ। अब क्रिकेटप्रेमीहरू उनीबाट नयाँ कीर्तिमानको अपेक्षासहित अर्को रोमाञ्चक खेलको प्रतीक्षामा छन्!
- Jigyasa media
