काठमाडौँ — कीर्तिपुरको त्रिभुवन विश्वविद्यालय अन्तर्राष्ट्रिय क्रिकेट रङ्गशाला आज पुनः रोमाञ्चित हुँदैछ। नेपाल प्रिमियर लिग (एनपीएल) को दोस्रो संस्करण अन्तर्गत शनिबारका लागि तय भएका दुई उच्च–स्तरीय खेलले राष्ट्रिय क्रिकेटको धड्कन बढाइदिएको छ।
पहिलो खेल : कर्णाली याक्स बनाम लुम्बिनी लायन्स — रोहित र सोमपालको भिडन्त
बिहान ११:१५ बजे सुरू हुने पहिलो खेलमा कर्णाली याक्स र लुम्बिनी लायन्स आमनेसामने हुँदैछन्।
लुम्बिनी कप्तान रोहितकुमार पौडेलको रणनीति र कर्णाली कप्तान सोमपाल कामीको गति–बलको टक्कर आजको पहिलो भिडन्तको मुख्य आकर्षण बनेको छ।
लुम्बिनीले पहिलो खेलमै चितवन राइनोजलाई पराजित गर्दै सानदार सुरुवात गरिसकेको छ।
दोस्रो जितको खोजीमा रहेको लुम्बिनी आज पनि आक्रामक रणनीतिमा उत्रने तयारीमा छ।
कर्णाली याक्स भने पहिलो खेलमा चितवनसँग पराजित हुँदै दबाबमा परेको छ।
आजको खेल कर्णालीका लागि ‘कमब्याक’ गर्ने अवसरको रूपमा हेरिएको छ।
रोहितको स्थिर नेतृत्व र सोमपालको आक्रामक बलिङ–शक्ति आज कुन पक्ष भारी पर्छ—उत्सुकतापूर्वक हेरिनै पर्नेछ।
दोस्रो खेल : काठमाण्डू गोर्खाज बनाम विराटनगर किङ्स — करण केसी र सन्दीप लामिछानेको प्रत्यक्ष प्रतिस्पर्धा
दिउँसो ३:३० बजे हुने दोस्रो खेल पनि उत्तिकै रोमाञ्चक हुने पक्का छ।
करण केसीको कप्तानीमा रहेको काठमाण्डू गोर्खाज आज तेस्रो खेल खेल्दैछ।
पहिलो खेलमा साविक विजेता जनकपुर बोल्ट्सलाई हराउँदै धमाकेदार सुरुवात गरेको काठमाण्डू
दोस्रो खेलमा सुदूरपश्चिम रोयल्ससँग अनपेक्षित हार बेहोर्दै शंका–छायामा परेको थियो।
आजको खेल काठमाण्डूका लागि ‘लिगमा पुनः उभार ल्याउने निर्णायक समय’ मानिएको छ।
यता, सन्दीप लामिछानेको नेतृत्वमा रहेको विराटनगर किङ्स आज पनि जितको निरन्तरता खोज्दै मैदान उत्रने छ।
पहिलो खेलमा पोखरा एभेन्जर्सलाई पराजित गर्दै विराटनगरले उत्कृष्ट प्रदर्शन गरिसकेको छ।
उत्कृष्ट स्पिन आक्रमण र अनुशासित ब्याटिङ आज पनि विराटनगरका बलिया हतियार हुनेछन्।
करणको तीव्र गतिबल र सन्दीपको घुमाउने जादुई स्पिन—दुवै टोलीका टप–स्टारहरूको प्रत्यक्ष भिडन्त आजको खेललाई ‘एनपीएलको सुपर–साटर्डे’ बनाइदिएको छ।
-
Jigyasanepal
