काठमाडौं । नेपाल विद्युत् प्राधिकरण सञ्चालक समितिको बैठकले उद्योगहरूको विद्युत् लाइन तत्काल नकाट्ने निर्णय गरेको छ। बक्यौता उठाउन समयसीमा तोकिए पनि उद्योगहरूको लाइन अहिले नखसाल्ने निर्णय बुधबार सम्पन्न बैठकले गरेको हो।
यस निर्णयमा सञ्चालक समिति सदस्यद्वय कपिल आचार्य र भक्तबहादुर पुनले असहमति जनाएका छन्।
ऊर्जामन्त्री दीपक खड्काले मंगलबार विद्युत् नियमन आयोगबाट पठाइएको निर्देशनअनुसार विद्युत् लाइन नकाट्न जोड दिएका थिए। प्राधिकरण सञ्चालक समितिको यस निर्णयले उद्योगहरूले आवश्यक समय पाउने अपेक्षा गरिएको छ।
- Jigyasa media
