काठमाडौँ, कार्तिक २२ - आजको दिन देशभर मौसम मुख्यतः सफा रहने जल तथा मौसम विज्ञान विभागले जनाएको छ। हाल पश्चिमी र स्थानीय वायुको प्रभाव रहेका कारण देशका पहाडी भू–भागमा आंशिक बदली रहने र बाँकी क्षेत्रहरूमा मौसम सफा रहने पूर्वानुमान गरिएको छ।
दिउँसोको समयमा कोशी, गण्डकी, र सुदूरपश्चिम प्रदेशका केही पहाडी भेगहरूमा मेघगर्जन र चट्याङसहित हल्का वर्षा हुने सम्भावना रहेको छ।
रातको समयमा पनि पहाडी क्षेत्रहरूमा आंशिक बदली भए पनि अधिकांश भागमा मौसम सफा रहने छ। आगामी २४ घण्टाभित्र हल्का वर्षाको सम्भावनासँगै कृषि, स्वास्थ्य, पर्यटन, पर्वतारोहण, र यातायातमा केही क्षणिक असर पर्न सक्ने भएकाले ती क्षेत्रमा सर्वसाधारणलाई सतर्क रहन विभागले अनुरोध गरेको छ।
- Jigyasa media
