मलङ्गवा । भारतको सोनवर्षाबाट एम्बुलेन्स प्रयोग गरेर नेपालतर्फ ल्याउँदै गरेको पटका र अवैध किरानाका सामग्रीसहित तीन जना पक्राउ परेका छन्। सर्लाहीको मलङ्गवा नजिकै सीमा क्षेत्रमा सशस्त्र प्रहरीको संयुक्त टोलीले एम्बुलेन्स नियन्त्रणमा लिई तस्करी प्रयासलाई विफल बनाएको हो।
पक्राउ परेका व्यक्तिहरूमा एम्बुलेन्स चालक विक्रम आचार्य, पटका मालिक मनोज रजक, र किराना सामानका मालिक छोटेलाल दास रहेका छन्। सशस्त्र प्रहरीले १४ प्रकारका पटका र ३४ प्रकारका किरानाका सामग्री बरामद गरेको छ। सामानहरू एम्बुलेन्सको सिटमुनी लुकाएर ल्याइँदै गरेको पाइएको हो।
चाडपर्व नजिकिएसँगै तस्करीका घटना बढेको जनाइएको छ। यसअघि पनि करिब १८ लाख बराबरका पटका बरामद गरिएको थियो।
- Jigyasa media
