काठमाडौं — त्रिभुवन अन्तर्राष्ट्रिय विमानस्थलमा भन्सार जाँचका क्रममा ५ किलो ७ सय ग्राम सुनसहित तीन विदेशी नागरिक पक्राउ परेका छन्। पक्राउ पर्नेमा चिनियाँ नागरिक जियानझोङ र म्यानमारका सातनाइनटुङ तथा इन ङोन फू रहेका छन्।
उनीहरू एयर अरेबियाको उडान नं. जी ९५३० बाट शारजाह हुँदै काठमाडौं आएका थिए। भन्सार ब्यागेज क्षेत्रमा पुनः जाँचका क्रममा लगेजभित्र राखिएका १२ थान स्पिकरमा लुकाइएको अवस्थामा सुन फेला परेको हो।
सशस्त्र प्रहरीका डिएसपी शैलेन्द्र थापाका अनुसार, तीनै जनालाई आवश्यक अनुसन्धानका लागि त्रिभुवन विमानस्थल भन्सार कार्यालयमा राखिएको छ।
- Jigyasa media
