रसुवा – जिल्ला प्रहरी कार्यालय रसुवाले कालिका गाउँपालिका-१ ग्राङमा मोटरसाइकल चेकजाँचका क्रममा गोसाइँकुण्ड गाउँपालिका-३ बृद्धीमका ३४ वर्षीय कर्मा सोनाम लामालाई पक्राउ गरेको छ।
प्रहरीका अनुसार लामाले मोटरसाइकलमा लुकाइछिपाइ राखेको २ किलो सुनजस्तो देखिने पहेँलो धातु फेला परेको हो। चेकजाँचका क्रममा धातुसहित मोटरसाइकल र पक्राउ परेका व्यक्तिलाई नियन्त्रणमा लिइएको छ।
बरामद धातु, मोटरसाइकल, र व्यक्तिलाई थप अनुसन्धानका लागि रसुवा भन्सार कार्यालय टिमुरेमा बुझाइएको प्रहरीले जनाएको छ। घटना सम्बन्धी थप विवरण आउन बाँकी छ।
यस क्षेत्रबाट यस्ता अवैध वस्तु ओसारपसारका घटनाहरू भइरहँदा प्रहरीले निगरानी बढाएको जनाएको छ।
-
Jigyasanepal
