काठमाडौं: सोलुखुम्बुको पासाङल्हामू गाउँपालिका-५ मा पर्ने थामेखोलामा आएको बाढीमा फसेका ७ जनाको सफल उद्धार गरिएको छ। सोलुखुम्बुका प्रमुख जिल्ला अधिकारी देवी पाण्डे खत्रीका अनुसार नेपाली सेनाले बाढीमा फसेकाहरुको उद्धार गरेको हो।
हालसम्म मानवीय क्षतिको थप विवरण आउन बाँकी रहेको जनाइएको छ। पाण्डेले भनिन्, "हामी क्षतिको विवरण बुझ्दैछौं।"
थामे गाउँमा पसेको थामेखोलाको बाढीले तीनवटा घर बगाएको छ भने अन्य केही घरहरू उच्च जोखिममा परेका छन्।
आज दिउँसो आएको बाढीले थामे गाउँमा ठूलो क्षति पुर्याएको छ। जिल्ला प्रशासन कार्यालय सोलुखुम्बुले हिमताल फुटेर बाढी आएको आशंका व्यक्त गरेको छ।
-
Jigyasanepal
