काठमाडौं - आज सोमबार देशको पहाडी क्षेत्रमा आंशिक बदली रहनेछ भने बाँकी स्थानमा मौसम सामान्यतया सफा रहने अनुमान गरिएको छ। मौसम पूर्वानुमान महाशाखाका अनुसार विशेषगरी कोशी, बागमती, गण्डकी, कर्णाली र सुदूरपश्चिम प्रदेशका पहाडी क्षेत्रमा हल्का वर्षा हुन सक्ने सम्भावना छ। उच्च पहाडी तथा हिमाली भूभागका एक-दुई स्थानमा हल्का हिमपातको सम्भावना पनि रहेको बताइएको छ।
रातिको समयमा पनि यस्तै मौसमी अवस्था रहनेछ। विशेषगरी बागमती, गण्डकी र कर्णाली प्रदेशका पहाडी क्षेत्रमा हल्का वर्षा र गण्डकी तथा कर्णाली प्रदेशका हिमाली क्षेत्रहरूमा हल्का हिमपातको सम्भावना रहेको छ।
मौसम पूर्वानुमान अनुसार, यी स्थानहरूमा यात्रा गर्नेहरूले आवश्यक सतर्कता अपनाउनुपर्नेछ।
- Jigyasa media
