काठमाडौं, असोज ८ – राष्ट्रिय परीक्षा बोर्डले सोमबार माध्यमिक शिक्षा परीक्षा (एसईई) पूरक अर्थात् ग्रेड वृद्धि परीक्षाको नतिजा सार्वजनिक गरेको छ। परीक्षामा सहभागी भएका २ लाख १० हजार ३२१ विद्यार्थीमध्ये ५६.७८ प्रतिशत अर्थात् १ लाख १९ हजार ४२५ जनाले ग्रेड (पास) गरेका छन्।
२०८० सालमा सञ्चालित कक्षा १० को एसईई पूरक परीक्षाको नतिजा साउन २३ देखि ३१ सम्म सञ्चालन गरिएको थियो। परीक्षा नियन्त्रक कार्यालयका अनुसार नन ग्रेड वा अनुपस्थित विद्यार्थीको संख्या ९० हजार ८८८ रहेको छ। साथै, ८ जनाको उत्तरपुस्तिका रद्द गरिएको छ।
नतिजा विवरण अनुसार, ३.६१ देखि ४ जीपीए ल्याउने १८ जना छन्। जीपीए १.६ देखि २.० ल्याउने ६४ जना, जीपीए २.०१ देखि २.४ ल्याउने १९ हजार ४९६ जना, जीपीए २.४१ देखि २.८० ल्याउने ७४ हजार ४०६ जना छन्। त्यस्तै, जीपीए २.८१ देखि ३.० ल्याउने २३ हजार ६२३ जना र जीपीए ३.१ देखि ३.६ ल्याउने १ हजार ५१८ जना रहेका छन्।
यो परीक्षामा सहभागी विद्यार्थीहरूले आफ्नो परिणाममार्फत ग्रेड सुधार गर्दै शैक्षिक उन्नति हासिल गरेका छन्।
- Jigyasa media
