कपिलवस्तु । कृष्णनगर नाकाबाट भारततर्फ चरेस ओसारपसार गर्ने दुई जनालाई प्रहरीले पक्राउ गरेको छ। पक्राउ परेकाहरूमा कपिलवस्तु जिल्लाको शिवराज नगरपालिका-१, चैनपुर नौडिहवाका ६४ वर्षीय कलिसरा पुन र रुकुम पश्चिमको बाफिकोट गाउँपालिका-७, मकामाका ४० वर्षीय भीमसेन खत्री रहेका छन्।
प्रहरीले कृष्णनगर नगरपालिका-२ स्थित यात्रु गेटमा नेपालबाट भारततर्फ जाँदै गरेकी कलिसरा पुनलाई रोकी चेकजाँच गर्दा उनको झोलामा १ किलो ४४६ ग्राम चरेस फेला पारेको थियो।
विशेष सूचनाको आधारमा प्रहरीले कृष्णनगर बसपार्कमा भीमसेन खत्रीलाई पक्राउ गरेको हो। खत्रीको साथबाट १ लाख १० हजार भारतीय रुपैयाँ पनि फेला परेको नायब प्रहरी उपरीक्षक हरि वलीले जानकारी दिए।
- Jigyasa media
