चितवन - तनहुँको आँबुखैरेनी गाउँपालिका–२ ऐनापहरास्थित मर्स्याङ्दी नदीमा शुक्रबार भएको बस दुर्घटनामा मृत्यु भएका यात्रुहरुको शव भरतपुर अस्पतालमा परीक्षणपछि मुम्बई पठाइँदै छ। भारतीय नम्बर प्लेट युपी ५३ एफटी ७६२३ रहेको बस पोखराबाट काठमाडौं जाँदै गर्दा दुर्घटनाग्रस्त भएको थियो। दुर्घटनामा २७ जनाको मृत्यु भएको छ।
बस सडकबाट दुई सय मिटर तल मर्स्याङ्दी नदीमा खसेको थियो। घाइते भएका १६ जनालाई नेपाली सेनाको हेलिकप्टरमार्फत काठमाडौंको त्रिवि शिक्षण अस्पतालमा उपचारका लागि ल्याइएको छ। प्रहरीका अनुसार बसमा ४३ जना यात्रु सवार थिए।
तस्वीर स्रोत: रासस
- Jigyasa media
