काठमाडौं — आगामी मङ्सिर १६ गते हुने उपनिर्वाचनका लागि न्याय परिषद्ले मुख्य निर्वाचन अधिकृत र निर्वाचन अधिकृतहरू सिफारिस गरेको छ। परिषद्ले ३१ जिल्लाका लागि मुख्य निर्वाचन अधिकृत तोक्न निर्वाचन आयोगमा नाम सिफारिस गरेको हो।
न्याय परिषद्ले उपभोक्ता अदालतको लागि पनि न्यायाधीश र सदस्यको सिफारिस गरेको छ। नयाँ गठन भएको उपभोक्ता अदालतमा जिल्ला अदालत काठमाडौंका न्यायाधीश रामप्रसाद शर्मालाई न्यायाधीश र गेहेन्द्रराज रेग्मीलाई सदस्यका रूपमा नियुक्तिका लागि सिफारिस गरिएको हो।
त्यस्तै, परिषद्ले ६ वटा स्थानीय तहमा हुने उपनिर्वाचनको लागि पनि निर्वाचन अधिकृतहरू खटाउन सिफारिस गरेको छ।
- Jigyasa media
