जिज्ञासा नेपाल डटकम, काभ्रे ।काभ्रेको मण्डनदेउपुर नगरपालिका-५, डोटेलगाउँमा पहिरोले घर पुरिँदा ठूलो धनमालको क्षति भएको छ। अबिरल वर्षाका कारण २०८१ भदौ ५ गते दिउँसो करिब २ बजे दुर्गा प्रसाद डोटेलको दुईतले कच्ची घर पहिरोमा पुरिँदा घर पूर्ण रूपमा ध्वस्त भएको हो।

प्रहरीका अनुसार, घर पछाडिको जमिनबाट खसेको पहिरोले ढुंगा-माटोले बनेको घर पुरिँदा करिब ५ लाख ५० हजार रुपैयाँ बराबरको खाद्यान्न, लत्ताकपडा, र अन्य सम्पत्ति नष्ट भएको छ। तर, यस घटनामा कुनै मानविय तथा चौपाया क्षति भने नभएको बताइएको छ।

घटना भएको खबर प्राप्त हुनासाथ प्रहरी टोली घटनास्थलमा पुगेर अवस्था नियन्त्रणमा लिएको छ। स्थानीय बासिन्दाहरूलाई थप सतर्क रहन अनुरोध गरिएको छ। मण्डनदेउपुर क्षेत्रमा निरन्तर भइरहेको वर्षाका कारण पहिरोको जोखिम बढेको छ। 

**सम्बन्धित समाचारहरू:**

- [पहिरोको जोखिममा रहेका स्थानहरूमा सतर्कता अपनाउन अनुरोध](#)

- [अविरल वर्षाले देशभर बाढी र पहिरोको त्रास](#)

• Jigyasa media