सिरहा । - सिरहामा प्रहरीले लागूऔषधसहित तीन जनालाई पक्राउ गरेको छ। पक्राउ पर्नेमा धनुषा गणेशमान चारनाथ नगरपालिका–४ का २० वर्षीय रौसाद राइन, सिरहा कर्जन्हा नगरपालिका–३ का २४ वर्षीय समीर बोगटी, र सोही ठाउँका २० वर्षीय सरोज भन्ने शरद महरा रहेका छन्।
इलाका प्रहरी कार्यालय बन्दिपुरबाट खटिएको टोलीले गोप्य सूचनाका आधारमा कर्जन्हा नगरपालिका–२ बन्दिपुरस्थित श्री फुलकुमारी विद्यालय गेट अगाडि रहेको चिया पसल नजिक लागूऔषध सेवन गरिरहेको अवस्थामा तीनै जनालाई पक्राउ गरेको हो। चेकजाँच गर्दा उनीहरूको साथबाट प्लास्टिकमा बेरिएको लागूऔषध ब्राउनसुगर जस्तो देखिने गिलो पदार्थ ३३० मिलिग्राम र प्लास्टिक बाहेक २८० मिलिग्राम फेला परेको प्रहरीले जनाएको छ।
पक्राउ परेका तीनै जनालाई ईलाका प्रहरी कार्यालय मिर्चैया सिरहाबाट थप अनुसन्धान भइरहेको जिल्ला प्रहरी कार्यालय सिरहाले जनाएको छ।
- Jigyasa media
