हेटौंडा । मकवानपुरको विकट कैलाश गाउँपालिकामा श्रीमतीको हत्या गरेको आरोपमा २६ वर्षीय मंगलबहादुर पाख्रिनलाई पक्राउ गरिएको छ।
कैलाश–५ कालीखोलास्थित काफलडाँडाका पाख्रिनले २७ साउन साँझको समयमा २० वर्षीया श्रीमती लक्ष्मी पाख्रिनको हत्या गरी वनमा गाडेको स्वीकार गरेको प्रहरीले जनाएको छ।
मकवानपुरका प्रहरी प्रवक्ता ओम पण्डितका अनुसार, घरायसी विवादका कारण पाख्रिनले घरभित्र बञ्चरो प्रहार गरी श्रीमतीको हत्या गरेका थिए। जिल्ला प्रहरीले अदालतबाट अनुमति लिएर उनलाई १० दिनको लागि हिरासतमा राखेको छ।
- Jigyasa media
