काठमाडौं, भदौ ११, २०८१ - त्रिभुवन अन्तर्राष्ट्रिय विमानस्थलमा अवैध सुनसहित दुई जना व्यक्तिलाई पक्राउ गरिएको छ। पक्राउ पर्नेमा नवलपरासीको बर्दघाट नगरपालिका-४ निवासी २७ वर्षीय प्रशान्त गैरे र सप्तरीको सुरुङ्गा नगरपालिका-३ निवासी ४१ वर्षीय सन्तोषकुमार कुँवर रहेका छन्।
प्रहरीका अनुसार, गैरेले हिमालयन एयरलाइन्सको उडानमार्फत कतारबाट काठमाडौं ल्याएको ८१ ग्राम सुन कुँवरले विमानस्थलको अन्तर्राष्ट्रिय उडानतर्फको आगमन पार्किङ एरियामा रिसिभ गर्दै गर्दा पक्राउ गरिएको हो।
पक्राउ परेका दुवै जनालाई थप अनुसन्धान र कारबाहीका लागि प्रहरी वृत्त गौशालामा पठाइएको छ।
- Reporter
