काठमाण्डौ ।
कागेश्वरी मनोहरा नगरपालिका-२ आलापोटका ३८ वर्षीय नारायण नगरकोटीको झाँक्री प्रकाश भुजेलको गाडीले ठक्कर दिँदा ज्यान गएको छ। नेकपा माओवादी केन्द्रका स्थानीय सचिव रहेका नगरकोटी दुर्घटनामा गम्भीर चोट लागेर निधन भएको हो। टाउको, पेट, र घुँडामा गम्भीर चोटपछि उपचारका क्रममा उनको ज्यान गएको प्रहरीले जनाएको छ।
उक्त दुर्घटनामा नगरकोटीकी श्रीमती सानुमाया नगरकोटी गम्भीर घाइते भएकी छन्। उनी मोटरसाइकलको पछाडि सवार थिइन्। घाइते सानुमायाको अवस्था अत्यन्त गम्भीर रहेको र भेन्टिलेटरमा राखेर उपचार भइरहेकोछ।
- Jigyasa media
