दैलेख, २०८१ कार्तिक २३ – सुर्खेत–दैलेख सीमास्थित वीरेन्द्रनगर–१४ रातानाङ्ग्ला नजिक भएको फोर्स गाडी दुर्घटनामा पाँच जनाको ज्यान गएको छ भने २५ जना घाइते भएका छन्। हालसम्म मृतक र घाइतेहरूको पहिचान खुल्न सकेको छैन।
प्रहरीका अनुसार कर्णाली प्रदेश ०२००१ ख ०९९८ नम्बरको गाडी दैलेखबाट सुर्खेततर्फ आउँदै गर्दा अनियन्त्रित भई सडकबाट झण्डै दुई सय मिटर तल खसेको थियो। दुर्घटनामा गम्भीर घाइते भएका यात्रुहरूको उद्धार गरी थप उपचारका लागि कर्णाली प्रदेश अस्पताल, सुर्खेत पठाइएको गुराँस गाउँपालिकाकी उपाध्यक्ष शिवा खड्काले जानकारी दिइन्।
दुर्घटनाग्रस्त गाडीमा ३० जना सवार रहेको र दुर्घटनाका कारणहरूबारे थप अनुसन्धान भइरहेको प्रहरीको भनाइ छ।
- Jigyasa media
