इजरायल।
इजरायलको उत्तरी क्षेत्रमा रहेको सैन्य आधार शिविरमा हिजबुल्लाहले गरेको ड्रोन आक्रमणमा ४ सैनिकको मृत्यु भएको छ भने ६० भन्दा बढी घाइते भएका छन्। इजरायली रक्षा बल (आईडीएफ)का अनुसार उक्त आक्रमण गोलानी ब्रिगेडको प्रशिक्षण शिविरमा लक्षित गरिएको थियो, जसको परिणामस्वरूप सात सैनिक गम्भीर घाइते भएका छन्।
हिजबुल्लाहको संचार कार्यालयले भने यो आक्रमण इजरायलले दक्षिणी लेबनान र बेरुतमा बिहीबार गरेको आक्रमणको प्रतिउत्तरमा गरिएको बताएको छ। आक्रमणको मुख्य क्षेत्र तेल अभिभ र हाइफाको बीचमा रहेको बताइएको छ।
इजरायल र हिजबुल्लाहबीचको यस पछिल्लो झडपले मध्यपूर्वको तनावलाई थप जटिल बनाएको छ।
- Jigyasa media
