२० कात्तिक, काठमाडौं - गण्डकी प्रदेशसभा सदस्य दीपक मनाङे (राजीव गुरुङ) लाई ज्यान मार्ने उद्योगको अभियोगमा सर्वोच्च अदालतले दोषी ठहर गर्दै ५ वर्षको कैद सजाय सुनाएको छ। मंगलबार न्यायाधीश डा. नहकुल सुवेदी र टेकप्रसाद ढुंगानाको इजलासले यसअघि तत्कालीन पुनरावेदन अदालत (हालको उच्च अदालत) पाटनले गरेको फैसलालाई सदर गर्दै मनाङेलाई दोषी ठहर गरेको हो।
२०७० सालमा पुनरावेदन अदालत पाटनले मनाङेलाई चक्रे मिलनमाथि आक्रमण गरेको आरोपमा ज्यान मार्ने उद्योगमा दोषी ठहर गर्दै ५ वर्ष कैदको सजाय सुनाएको थियो। २०६१ सालमा चक्रे मिलनमाथि भएको उक्त आक्रमणमा मनाङेसहित उनका समूहका केही युवाहरूमाथि मुद्दा चलाइएको थियो।
यो फैसलासँगै मनाङेलाई तत्काल ५ वर्षको कैद भुक्तान गर्नुपर्ने भएको छ। लामो समयसम्म विवादास्पद रहेका मनाङेले अदालतको यो फैसलापछि आफ्नो राजनीतिक करियर र व्यक्तिगत जीवनमा थप चुनौती सामना गर्नुपर्नेछ।
- Jigyasa media
