काठमाडौं । पाकिस्तानको उत्तरपश्चिम खैबर पख्तुनख्वा प्रान्तमा शुक्रबार बिहान गएको भीषण पहिरोले १२ जनाको ज्यान लिएको छ। लगातारको भारी वर्षाले माथिल्लो दिर जिल्लामा पहिरो निम्त्याएको हो, जसमा एकै परिवारका तीन महिला, छ बालबालिका, र तीन पुरुषको मृत्यु भएको छ।
सरकारी उद्धार संस्था रेस्क्यु ११२२ का अनुसार, पीडितहरू घरभित्र सुतिरहेका बेला पहिरोले घरलाई पुरेको थियो। उद्धारकर्ताहरूले भग्नावशेषबाट सबै शवहरू निकालेका छन् भने पहिरोले ल्याएको माटो र ढुङ्गा हटाउने कार्य अझै जारी छ।
हाल पाकिस्तानका विभिन्न क्षेत्रहरूमा निरन्तर मुसलधारे वर्षा भइरहेकाले आकस्मिक बाढी, डुबान, र पहिरोको जोखिम उच्च बनेको छ, जसले गर्दा विभिन्न जिल्लाहरू प्रभावित भएका छन्।
- Jigyasa media
