डडेलधुरा। कञ्चनपुरको दैजीबाट परशुराम नगरपालिका आउँदै गरेको जिप दुर्घटना हुँदा दुई महिलाको ज्यान गएको छ भने सात जना घाइते भएका छन्।
मंगलबार परशुराम नगरपालिका–९ स्थित दैजी–जोगबुढा सडकखण्डको लिप्नामा लु १ ज ४५७९ नम्बरको जिप सडकबाट करिब ३० मिटर तल खस्दा दुर्घटना भएको हो।
घटनामा घाइते सात जनामध्ये चार जनाको अवस्था गम्भीर रहेकोले उनीहरूलाई थप उपचारका लागि धनगढी पठाइएको छ। मृतक दुवै महिला भएको स्थानीयले जनाएका छन्।
इलाका प्रहरी कार्यालय जोग बुढाका अनुसार मृतक र घाइतेहरूको विस्तृत पहिचान अझै खुलेको छैन। घटनाको थप विवरण आउन बाँकी रहेको छ।
जिप दुर्घटनाको कारण खुल्न बाँकी भए पनि जोखिमपूर्ण सडकखण्ड र अनियन्त्रित गति दुर्घटनाका मुख्य कारण हुनसक्ने अनुमान गरिएको छ। घटना बारे प्रहरी अनुसन्धान जारी छ।
- Jigyasa media
