झापा। भद्रपुरमा भारतीय नागरिक बुबा-छोरा ब्राउन सुगरसहित पक्राउ परेका छन्। पक्राउ परेका व्यक्तिहरू भारतको बिहार राज्यको किसनगञ्ज जिल्ला, ठाकुरगञ्ज पञ्चायत उर्दु कोलोनीमा बस्ने ३८ वर्षीय जमकोद खान र उनका १८ वर्षीय छोरा आयान खान हुन्।
प्रहरीले सोमबार दिउँसो भद्रपुर–५ स्थित न्यु बान्तवा होटेलबाट ५८ ग्राम १० मिलिग्राम ब्राउन सुगरसहित उनीहरूलाई नियन्त्रणमा लिएको हो।
प्रहरीको टोलीले लागू औषध कारोबार भइरहेको सूचना पाएपछि सो होटेलमा छापा मारेको थियो। शरीर तलासी गर्दा दुबैबाट लागूऔषध फेला परेको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिएका छन्। अहिले उनीहरूलाई थप अनुसन्धानका लागि हिरासतमा राखिएको छ।
- Jigyasa media
