४ पुस २०८१, बिहीबार | काठमाडौं
देशमा हाल पश्चिमी वायुको सामान्य प्रभाव कायम छ। जल तथा मौसम विज्ञान विभागका अनुसार कर्णाली, सुदूरपश्चिम र गण्डकी प्रदेशका पहाडी क्षेत्रमा आंशिक बदली रहेको छ भने बाँकी भूभागमा मौसम सामान्यतया सफा छ।
तराई र उपत्यकाका केही स्थानमा बिहान हुस्सु र कुहिरो लागेको छ, जसले दैनिक जनजीवन र यातायातमा असर पुर्याउन सक्छ।
दिउँसोको अवस्था
हिमाली र पहाडी क्षेत्रहरूमा मौसम मुख्यतया सफा रहने सम्भावना छ। तराईका क्षेत्रमा पनि दिनभर सफा मौसमको अनुमान गरिएको छ।
रातिको अवस्था
राति हिमाली र पहाडी क्षेत्रमा सफा मौसम रहनेछ। तर, तराईका क्षेत्रमा हुस्सु र कुहिरोको सम्भावना कायमै रहन सक्छ ।
मौसम विभागले तराई र उपत्यकाका क्षेत्रमा कुहिरो र हुस्सुका कारण यातायात, हवाई सेवा, पर्वतारोहण र पर्यटन गतिविधिमा असर पर्न सक्ने भएकाले सतर्कता अपनाउन अनुरोध गरेको छ।
दैनिक क्रियाकलापका क्रममा सावधानी अपनाउनुस्। तपाईंको बिहीबारको दिन शुभ रहोस्!
- Jigyasa media
