काठमाडौँ । अख्तियार दुरुपयोग अनुसन्धान आयोगले दार्चुलाको शैल्यशिखर नगरपालिकाका दुई कर्मचारीविरुद्ध विशेष अदालतमा मुद्दा दायर गरेको छ।
आयोगले शैल्यशिखर नगरपालिकाका कृषि प्राविधिक अधिकृत मोहनसिंह धामी र कृषि नायब प्राविधिक सहायक अशोकसिंह धामीविरुद्ध मुद्दा दायर गरेको हो।
राससका अनुसार, कृषि समूहको बिल भुक्तानी गर्दा सेवाग्राहीसँग कमिसन वापत रु चार लाख १२ हजार बराबरको घुस र रु दुई लाख ५० हजार बराबरको दुई वटा चेकसहित (कुल रु पाँच लाख) केही दिनअघि आयोगको कञ्चनपुर कार्यालयबाट गएको टोलीले उनीहरूलाई पक्राउ गरेको थियो।
आयोगले रु नौ लाख एक हजार बराबरको बिगो दाबी गर्दै आज विशेष अदालतमा मुद्दा दायर गरेको प्रवक्ता नरहरि घिमिरेले जानकारी दिए।
- Jigyasa media
