काठमाडौं । अविरल वर्षाका कारण जेठ २८ गतेदेखि देशभर बाढी, पहिरोलगायत विभिन्न विपद्मा परी हालसम्म १८२ जनाको ज्यान गएको छ। आइतबार दिउँसोसम्मको विवरणअनुसार काठमाडौं उपत्यकासहित विभिन्न प्रदेशमा जनधनको ठूलो क्षति भएको छ।
कुल १८२ जनाको मृत्यु भएको छ भने विभिन्न प्रदेशमा २३३ जना घाइते भएका छन्। काठमाडौं उपत्यकामा ११ जना, कोशी प्रदेशमा ३८ जना, मधेश प्रदेशमा १२ जना, बागमती प्रदेशमा २३ जना, गण्डकी प्रदेशमा ४६ जना, लुम्बिनी प्रदेशमा १८ जना, कर्णाली प्रदेशमा ५७ जना, र सुदूरपश्चिम प्रदेशमा २८ जना घाइते भएका छन्। घाइतेहरूलाई स्थानीय अस्पतालहरूमा उपचारका लागि पठाइएको छ।
विपद्का कारण ५० जना अझै बेपत्ता रहेका छन्, जसमा बागमती प्रदेशमा ४१ जना सबैभन्दा बढी छन्। खोजी कार्य जारी छ।
यस विपद्ले ३८४ घर डुबानमा परेको र ३२१ घरमा क्षति पुगेको छ। साथै ८३८ पशु चौपायाको मृत्यु भएको छ र ४७८७ घर परिवार विस्थापित भएका छन्। ५१ वटा पुल, ४ विद्यालय र २ सरकारी कार्यालयमा समेत क्षति पुगेको छ।
- Jigyasa media
