कात्तिक ३, हेटौंडा मकवानपुरको मनहरी गाउँपालिकामा ५० वर्षीय महिलामाथि सामूहिक बलात्कारको गम्भीर घटना सार्वजनिक भएको छ। पीडित महिलाले आफ्नै श्रीमान र दुई किशोरमाथि उक्त घटना घटाएको आरोप लगाउँदै प्रहरीमा उजुरी दिएपछि श्रीमानलाई पक्राउ गरिएको छ भने दुई किशोर फरार रहेका छन्।
प्रहरीका अनुसार घटना असोज ३० गते राति पीडित महिलाको घरमै घटेको थियो। श्रीमानसहित १९ र २० वर्षका दुई किशोरले महिलामाथि सामूहिक बलात्कार गरेको आरोपमा महिलाले १ कात्तिकमा उजुरी दिएकी थिइन्। मकवानपुर प्रहरी नायव उपरीक्षक (डीएसपी) श्यामु अर्यालले घटनाको अनुसन्धान भइरहेको र दोषीलाई चाँडै कानुनी दायरामा ल्याइने जानकारी दिएका छन्।
महिलालाई हेटौंडास्थित महिला सेफ हाउसमा राखिएको छ र उनको स्वास्थ्य अवस्था सामान्य रहेको छ। आरोपित दुई किशोरको पहिचान अझै नखुलेकोले प्रहरी फरार आरोपितको खोजीमा सक्रिय रहेको छ।
- Jigyasa media
