बागलुङ, २६ कात्तिक | बागलुङको जैमिनी नगरपालिका-८ स्थित छिस्तीबाट बागलुङ बजार आउँदै गरेको पिकअप भ्यान दुर्घटना हुँदा ५ जनाको मृत्यु भएको छ। बिहान साढे ८ बजे भएको यस दुर्घटनामा चालकसहित पाँच जनाको ज्यान गएको हो।
प्रहरीका अनुसार, ग२च ९२४७ नम्बरको पिकअप भ्यान जैमिनी–७ जैदीको व्यार्थला नजिकै सडकबाट एकसय मिटर तल खसेको थियो। जिल्ला प्रहरी कार्यालयका सूचना अधिकारी केशव थापाले जानकारी दिएका छन् कि मृतकहरूको पहिचान भने अहिलेसम्म खुलिसकेको छैन।
दुर्घटनामा एक जनालाई जीवितै उद्धार गरिएको भए पनि उनको अवस्था गम्भीर रहेको प्रहरीले जनाएको छ।
- Jigyasa media
