काठमाडौँ । जाजरकोटको छेडागाड नगरपालिका–१ जाल्माकी १४ वर्षीया मनिषा विकको भीरबाट लडेर मृत्यु भएको छ। बुधबार घर नजिकैको जङ्गलमा घाँस काट्न गएकी विक भीरबाट लडेर गम्भीर घाइते भएकी थिइन्। जिल्ला प्रहरी कार्यालय जाजरकोटले जनाए अनुसार, घाइते विकको उपचारको क्रममा आज मृत्यु भएको हो।
यसैबीच, जुनीचाँदे गाउँपालिका–११ स्थित खानाखोला तर्दै गर्दा तीन दिन अघि चिप्लिएर खोलामा बेपत्ता भएका २१ वर्षिय तेजबहादुर रोकायको खोजी कार्य जारी छ। जिल्ला प्रहरी कार्यालय जाजरकोटका प्रमुख पुरुषोत्तम पाण्डेले रोकायलाई हालसम्म फेला पार्न नसकिएको जानकारी दिए।
- Jigyasa media
