काठमाडौं । चर्चित पप ब्यान्ड 'वन डाइरेक्शन'का पूर्व सदस्य लियाम पेनेको ३१ वर्षको उमेरमा निधन भएको छ। मिडिया रिपोर्ट अनुसार, अर्जेन्टिनाको ब्यूनस आयर्सस्थित पालेर्मोको एक होटलमा भएको दुर्घटनामा उनले ज्यान गुमाएका हुन्। प्रहरीको भनाइ अनुसार, लियाम होटलको तेस्रो तलाबाट खसेका थिए। घटना हुँदा उनी होटलको पछाडिको बालकनीमा थिए र होटल व्यवस्थापकले ठूलो आवाज सुनिसकेपछि घटनास्थलमा पुगेका थिए।

प्रहरीले लागूऔषध र रक्सीको लतको शंका गर्दै घटनाको अनुसन्धान गरिरहेको छ। लियामको मृत्युपछि संगीत क्षेत्रले एक प्रतिभाशाली कलाकार गुमाएको महसुस गर्दै शोक प्रकट गरिरहेको छ।

लियाम २०१० मा युकेको रियालिटी शो 'द एक्स फ्याक्टर'मा सहभागी भएपछिको चर्चित ब्याण्ड 'वन डाइरेक्शन'का सदस्य थिए। ब्यान्ड २०१६ मा निष्क्रिय भए पनि, पाँच एल्बम निकालेको थियो। ब्यान्डको तेस्रो एल्बम Midnight Memories विश्वभरका लोकप्रिय एल्बममध्ये एक बनेको थियो।

यो दुखद घटना संगीत क्षेत्रका लागि ठूलो क्षति मानिएको छ।

• Jigyasa media