काठमाडौं, पुस २४ । नेपाली बजारमा बिहीबार सुन र चाँदी दुवैको मूल्य घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार रुपैयाँले घट्दै २ लाख ६५ हजार ७०० रुपैयाँमा कारोबार भइरहेको छ। यसअघि बुधबार सुनको मूल्य प्रतितोला २ लाख ६७ हजार ७०० रुपैयाँ रहेको थियो।
त्यसैगरी, चाँदीको मूल्य पनि प्रतितोला १०० रुपैयाँले घटेको छ। आज चाँदी प्रतितोला ४ हजार ८३५ रुपैयाँमा कारोबार भइरहेको छ भने बुधबार चाँदी प्रतितोला ४ हजार ९३५ रुपैयाँमा खरिद–बिक्री भएको थियो।
अन्तर्राष्ट्रिय बजारको उतार–चढाव, डलरको विनिमय दर र लगानीकर्ताको माग घटबढसँगै नेपाली बजारमा सुनचाँदीको मूल्यमा उतारचढाव देखिँदै आएको व्यवसायीहरू बताउँछन्।
-
Jigyasanepal
