बैतडी, कात्तिक २७, २०८१ – बैतडी जिल्लाको डिलाशैनी गाउँपालिका-२ मा सोमबार राति भएको घरेलु विवादले दुःखद मोड लिएको छ। ३० वर्षीया दिपा बोहराले काठको चिर्पटले हिर्काउँदा उनकी २५ वर्षीया देउरानी सुनिता बोहराको मृत्यु भएको छ। जिल्ला प्रहरी कार्यालय बैतडीका अनुसार, दिपाले सुनिताको टाउकोमा प्रहार गर्दा घटनास्थलमै उनको ज्यान गएको हो।
प्रहरी निरीक्षक बलराम पाण्डेयले घरेलु विवादले उग्ररूप लिँदा झगडा भएको र त्यसकै क्रममा दिपाले सुनितामाथि आक्रमण गरेको जानकारी दिए। घटनापछि दिपालाई प्रहरीले नियन्त्रणमा लिई थप अनुसन्धान गरिरहेकोछ।
- Jigyasa media
