जिज्ञाशा नेपाल, खेल डेस्क | जेठ ६, २०८२
आईपीएलको रोमाञ्चक भिडन्तमा सनराइजर्स हैदरावादले लखनउ सुपर जायन्ट्समाथि प्रभावशाली जित दर्ता गरेको छ। गएराति सम्पन्न खेलमा हैदरावादले लखनउलाई ६ विकेटले पराजित गर्दै सानदार जित हात पार्यो।
पहिला ब्याटिङ गरेको लखनउले निर्धारित २० ओभरमा ७ विकेटको क्षतिमा २०५ रन बनाएको थियो। विशाल लक्ष्य पछ्याउने क्रममा हैदरावादले १८.२ ओभरमै ४ विकेट गुमाएर २०६ रन बनाउँदै खेल आफ्नो पक्षमा पारेको हो।
यद्यपि, दुवै टोलीको लागि यो जित वा हारले प्लेअफ समीकरणमा असर पार्न सकेन। सनराइजर्स र सुपर जायन्ट्स दुबै टोली प्रतियोगिताबाट बाहिरिइसकेका छन्। हालसम्म गुजरात टाइटन्स, रोयल च्यालेन्जर्स बैंगलुरु र पञ्जाब किङ्सले प्लेअफको यात्रा तय गरिसकेका छन् भने चौथो स्थानका लागि दिल्ली क्यापिटल्स र मुम्बई इन्डियन्सबीच कडा प्रतिस्पर्धा देखिएको छ।
आईपीएलप्रेमीका लागि आज राति पनि अर्को रोमाञ्चक खेल तय भएको छ। चेन्नई सुपर किङ्स र राजस्थान रोयल्सबीचको भिडन्त आज राति पौने ८ बजे हुनेछ।
-
Jigyasanepal
