काठमाडौं । सेन्ट्रल एसियन भलिबल एसोसिएसन (काभा) यु–२० पुरुष भलिबल च्याम्पियनसिपको फाइनलमा आज नेपाल र उज्वेकिस्तान आमने-सामने हुँदैछन्। श्रीलंकाको कोलम्बोमा आयोजना हुने यो निर्णायक खेल दिउँसो ३ बजेबाट सुरु हुनेछ।
नेपालले फाइनलमा प्रवेश गर्न तुर्कमिनिस्तानलाई लिग चरणको अन्तिम खेलमा ३–० को सोझो सेटमा हराएको थियो। यसअघि नेपालले श्रीलंका र माल्दिभ्सलाई पनि समान ३–० को सेटमा पराजित गरेको थियो। यद्यपि, उज्वेकिस्तानसँग ३–१ र कीर्गिस्तानसँग ३–२ सेटको हार बेहोरेको थियो।
उज्वेकिस्तान भने समूह चरणको सबै खेलमा अपराजित रहँदै शीर्ष स्थानमा फाइनल पुगेको छ। नेपाल दोस्रो स्थानमा रहँदै फाइनलमा स्थान बनाएको हो।
यो च्याम्पियनसिपमा आयोजक श्रीलङ्कासहित नेपाल, उज्वेकिस्तान, तुर्कमिनिस्तान, माल्दिभ्स, र कीर्गिस्तान सहभागी छन्।
- Jigyasa media
