काठमाडौं: काठमाडौँमा जारी साफ यू-२० च्याम्पियनसिप फुटबल प्रतियोगिता अन्तर्गत समूह 'ए' को अन्तिम खेलमा आज नेपाल र बंगलादेश भिड्ने भएका छन्। ललितपुरको सातदोबाटोस्थित एन्फा कम्प्लेक्समा आज दिउँसो ३ बजेदेखि खेल सुरु हुनेछ।
नेपालले आजको खेल जितेमा समूह विजेता बनेर सेमिफाइनलमा प्रवेश गर्नेछ।
नेपालले उद्घाटन खेलमा श्रीलंकालाई १-० गोलले पराजित गर्दै सेमिफाइनल स्थान सुरक्षित गरिसकेको छ। बंगलादेशले पनि श्रीलंकालाई पराजित गरेर यसअघि नै सेमिफाइनलमा स्थान सुरक्षित गरेको छ। समूह 'बी' मा भारत, माल्दिभ्स, र भुटान छन्।
- Jigyasa media
