काठमाण्डौ ।
शनिबार आईसीसी विश्वकप लिग २ अन्तर्गत भएको खेलमा नेपाल अमेरिकासँग ३७ रनले पराजित भएको छ। अमेरिकाले दिएको २८२ रनको लक्ष्य पछ्याउने क्रममा नेपालले ४४.१ ओभरमा २४४ रनमा सबै विकेट गुमायो।
नेपालका लागि ओपनर अनिल साहले उत्कृष्ट प्रदर्शन गर्दै ८० बलमा ५२ रन बनाए, जसमा ४ चौका र १ छक्का समावेश थियो। अर्का ओपनर आसिफ शेख भने मात्र ६ रनमा पभेलियन फर्किएका थिए।
टस जितेर पहिले बलिङ रोजेको नेपालका लागि गुल्शन झाले सर्वाधिक ३ विकेट लिए। सोमपाल कामी र सन्दीप लामिछानेले २–२ विकेट लिए भने कुशल भुर्तेलले पनि १ विकेट हात पारे। अमेरिकाका लागि साइतेजा मुक्कामाले ७५ रन बनाए भने कप्तान मोनाक पटेलले ६७ रन र ५९ रनको अन्य अर्धशतकीय योगदान दिए।
सिरिजअन्तर्गत नेपालले सोमबार स्कटल्यान्डसँग आफ्नो अन्तिम खेल खेल्नेछ।
- Jigyasa media
